Нидерландия Қироллигининг “Certon” компаниясининг экспорт менеджери Том ван дем Берг билан жорий 2020 йилнинг 7-декабрь санасида Боғдорчилик ва иссиқхона хўжаликларини ривожлантириш агентлиги томониданагентлик директори Н.Нажимов ва агентлигининг Ташқи иқтисодий фаолият ва инвестицияларни жалб қилиш бўлими бош мутахасиси З.Салихов ва шу бўлим бош мутахасиси А.Хўжақулов иштирок этишди.
Ўзаро самимий саломлашувдан сўнг “Certon” компаниясининг экспорт менеджери Том ван дем Берг компаниянинг жорий ҳолати, ишлаш технологияси ва шу кунгача дунё бўйлаб қўрган ҳудудлари ва уларнинг катталиги тўғрисида батафсил маълумот бериб ўтди.
Маълумот учун: Компания томонидан дунё бўйича кўплаб майдонларда замонавий ойналик иссиқхона қурган ва Польша давлватида 5.3 га, АҚШнинг Невада штатида 2.4 га, Франция давлатида 3.3 га, Россия давлатида 34 га, Литва давлатида 10 га ҳамда яқин йиллар оралиғида компания режасига кўра яна Қозоғистон, Россия ва бошқа давлатларда янги замонавий ойнали иссиқхоналар қуриш режалаштирилган.
Н.Нажимов “Certon” компанияси томонидан мамлакатимизда қурилиши мумкин бўлган замонавий иссиқхоналарнинг аниқ харажатлари ҳақида савол сўради. Саволга жавобан жаноб Том ван дем Берг Ўзбекистон учун бизнес лойиҳа харажатлари тайёр эмаслиги маълум қилди ва уни ҳар бир давлат учун алоҳида ишлаб чиқилишини ва уни ишлаб чиқишда ҳудудга хос харажатлар, электр энергияси ва ишчи кучи каби харажатлар тўғрисида маълумотларга эга бўлгандан кейингини лойиҳанинг дастлабки нархи ва харажатларини ишлаб чиқа олишини таъкидлаб ўтди. Шунингдек, бошқа давлатлардага замонавий иссиқхонанинг 1 кв.м учун ўртача харажат 1200 Евро ташкил қилишини билдирди. Лойиҳа ишлаб чиқиш учун бошланғич малумот йиғиш ва дастлабки хисоб китобларни шакиллантиришда “Certon” компанияси ва Боғдорчилик ва иссиқхона хўжаликларини ривожлантириш агентлиги биргаликда ишлашга келишилди.
Н.Нажимов бу турдаги замонавий иссиқхона ҳосилдорлиги қандай ва унда экиладиган маҳсулотлар маҳаллий экин турлари билан ҳам етиштириш мумкинми ёки унда махсус навлар талаб қилишига қизиқди.
Жаноб Том замонавий иссиқхона 1 кв.м ҳосилдорлик миқдори экин туриги қараб ўртача 75-90 кг ни ташкил қилишини ва бу турдаги иссиқхоналар махсус навни талаб қилмаслигини, ҳамда маҳаллий навлар билан ҳам юқоридаги ҳосилдорликка эришиши мумкинлигини қайд қилди.
Учрашув сўнгида, Н.Нажимов компаниянинг экспорт менеджери Том ван дем Бергга мамлакатимиздаги лойиҳа учун ҳисоб китоблар асосида бизнес режа ишлаб чиқиш зарурлигини яна бир бор таъкидлаб ўтди. Учрашув якунида томонлар учрашувдан мамнун эканликларини билдиришди.